Ulema Ki Zindagi

Is Dars mein hum chand azeem ulama aur urafa ki zindagiyon ka mutala karenge jinhon ne apni zindagi ilm, amal, ikhlas aur Allah ki raza ke liye waqf kar di. In buzurgon ne Qurani taleemat, Ahle Bait (A.S.) ki hidayat, akhlaq, tazkiya-e-nafs aur roohani taraqqi ko apni zindagi ka markaz banaya. Un ki zindagiyan hamein yeh sikhati hain ke asli ilm sirf maloomat ka naam nahin, balkeh us ilm par amal karna, khud sazi karna aur muashray ki islah ke liye koshish karna bhi zaroori hai. Un ke afkar aur seerat ka mutala kar ke hum ilm ke sath ikhlas, sabr, tawazu, ibadat, khidmat-e-khalq aur Allah se mazboot talluq ki ahmiyat ko samajhne ki koshish karenge. Is Dars ka maqsad sirf un ki tareekh jan'na nahin, balkeh un ki zindagi se aise usool hasil karna hai jo hamari apni shakhsiyat, akhlaq aur deeni zindagi ko behtar bana saken.